كثير يتجه إلي ريچيم قاسي ويبحث عن وصفات سحرية لتقليل الوزن في وقت قصير ولكن للأسف لا يكون لديهم علم بأضرار هذا النظام .. الدهون التي تتكون في سنين عندما نفقدها بشكل سريع تأتي بنتائج عكسيه ..
إليكم أهم أضرار الريجيم القاسي :
1- للكتلة العضلية:
عضلات الجسم عبارة عن أنسجة نشطة بتستهلك سعرات حرارية طول يوم حتي في حاله النوم العضلات بتحرق سعرات حرارية وكل ما العضلة بتزيد بيزيد الحرق لما بتعملوا دايت قاسي الجسم بيحس انه داخل على مجاعه و بيحاول يدافع ع نفسه بيتخلص من الانسجه اللي بتكلفه سعرات وبيكسر بروتين العضلات الجسم بالنسباله اسهل انه يحرق عضلات من انه يحرق دهون.2- إبطاء عملية الحرق
بعد ما الجسم بيكون اتخلص من اغلب الانسجه العضليه مش بيبقي قدامه مصدر للطاقة غير الدهون فبيحافظ عليها وبيدي إشارات تؤدي إلى إبطاء عملية الأيض عشان كده بعد فترة من الدايت ده بيدخل الجسم مرحلة الثبات لانه مش بيقدر يتخلى عن مصدر طاقته (الدهون)3-أضرار أخرى للرجيم القاسي:
- الإحساس دايماً بتعب وإرهاق وأرق وإكتئاب وصعوبه في الإستيقاظ وصعوبة فى النوم
- يؤثر على صحة الشعر والأظافر
- بيعمل أنيميا نتيجه لنقص الحديد
- بيعمل بهتان في البشرة
- بيعمل التهابات في مفاصل الجسم ومشاكل في العين
كل دة بسبب نقص المعادن والفيتامينات اللي محتاجها الجسم ، عشان كده محدش يعمل نظام منخفض السعرات لانه فعلا مشاكله كثيره ، مينفعش تعملوا نظام اقل من 1200 كالوري.
شروط عمل نظام الريجيم القاسي :
عشان يتعمل لازم يكون لفترة قصيرة جدا ويكون فيه كل العناصر الغذائية اللي محتاجها الجسم يعني يبقي قليل في كمية السعرات مش ف نوع الأكل.خسوا صح عشان صحتكم الاول وعشان مترجعوش تاني تتخنوا..
تعليقات